ზოგადი ინფორმაცია

რა არის უბიქინონი 50 (კოენზიმი Q10)?

კოენზიმი Q10 უჯრედის ენერგეტიკულ მეტაბოლიზმში მონაწილე ფერმენტია, რომელიც მიტოქონდრიის სუნთქვითი ჯაჭვის ოქსიდაციური ფოსფორილირების პროცესის კოფაქტორია და ასრულებს ელექტრონის ტრანსპორტერის და ანტიოქსიდანტის ფუნქციას.

კოენზიმი Q10 ქიმიურად შედგება ქინონის რგოლის და იზოპრენის გვერდითი ჯაჭვისაგან. ნახშირბადის ატომებს შორის არსებული ორმაგი ბმების მაღალი სიხშირის გამო, კოენზიმი Q10 ბევრად მდგრადია, ვიდრე ვიტამინი C და E, ამიტომ ის წარმოადგენს მემბრანის იონური არხების სტაბილიზატორს და თავისუფალი რადიკალებისგან დაცვის პირველ ხაზს.

კოენზიმი Q10 ქსოვილებში სინთეზდება, თუმცა მცირე ოდენობა მიიღება საკვებითაც (ხორცი, თევზი, თხილეული, ცხიმები). ის ცხიმში ხსნადი სუბსტანციაა და შეიწოვება წვრილ ნაწლავში, ცხიმების და ნაღვლის მჟავების არსებობის პირობებში.

კოენზიმი Q10 (უბიქინონი) თითქმის ყველა მემბრანის შემადგენლობაშია და ლიპოპროტეინების მეშვეობით გადადის ცირკულაციაში. კოენზიმი Q10-ის 60%-მდე დაბალი სიმკვრივის ლიპოპროტეინებთანაა დაკავშირებული, 25%-მდე – მაღალი სიმკვრივის ლიპოპროტეინებთან და დანარჩენი 15%-მდე სხვა ლიპოპროტეინებთან.

ორგანიზმში გვხვდება კოენზიმი Q10-ის როგორც დაჟანგული, ისე აღდგენილი ფორმები. მისი ანტიოქსიდანტური უნარი დამოკიდებულია სწორედ ამ ფორმების თანაფარდობაზე.

კოენზიმი Q10 (უბიქინონის) კონცენტრაცია ორგანიზმში მცირდება ასაკის მატებასთან ერთად, ასევე ზოგიერთი პათოლოგიური მდგომარეობების და მედიკამენტების გავლენით.

კოენზიმი Q10-ის პირველადი დეფიციტი განპირობებულია მის ბიოსინთეზში მონაწილე ცილების მაკოდირებელი გენების მუტაციებით. უბიქინონის დეფიციტი მიმდინარეობს ნევროლოგიური სიმპტომებით ( როგორებიცაა: გულყრები, განვითარების შეფერხება, ატაქსია) და კუნთური სისუსტით.

კოენზიმი Q10 დეფიციტი ჩართულია ისეთ პროცესებში როგორიცაა: პარკინსონის დაავადება, ალცჰეიმერის დაავადება, შაქრიანი დიაბეტი და ოქსიდაციური სტრესი.

არსებობს მონაცემები სტატინებით (ლიპიდების საწინააღმდეგო მედიკამენტებით) მკურნალობასა და კოენზიმი Q10-ის დეფიციტს შორის ურთიერთკავშირს შორის.

როდის ტარდება კვლევა?

• კოენზიმი Q10  დეფიციტით მიმდინარე მიტოქონდრიული დაავადებები
• ანტილიპიდური მკურნალობის კურსზე მყოფი პაციენტების მონიტორინგი
• ნეიროდეგენერაციული დაავადებების (პარკინსონი, ალცჰეიმერი) მკურნალობის მონიტორინგი

პაციენტის მომზადება: კვლევა ტარდება უზმოდ

საკვლევი მასალა – ვენური სისხლი