საერთო ქოლესტეროლი | ლაბორატორიული კვლევა

ზოგადი ინფორმაცია

ქოლესტეროლი ცხიმის მსგავსი ნივთიერებაა, რომელიც გვხვდება ორგანიზმის ყველა უჯრედში.   თავისუფალი ქოლესტეროლი არის უჯრედის პლაზმური მემბრანების,  მიტოქონდრიებისა და ენდოპლაზმური ბადის მემბრანების კომპონენტი.  წარმოადგენს სასქესო ჰორმონების – კორტიკოსტეროიდების, ნაღვლის მჟავებისა და D ვიტამინის წინამორბედს. ქოლესტეროლის 80%-მდე ღვიძლში სინთეზირდება, დანარჩენი კი ორგანიზმში ცხოველური წარმოშობის პროდუქტებით (ცხიმიანი ხორცი, კარაქი, კვერცხი) ხვდება.  ქოლესტეროლი წყალში უხსნადია, მისი ტრანსპორტირება ქსოვილებსა და ორგანოებს შორის ხდება ლიპოპროტეინების კომპლექსების მეშვეობით. განასხვავებენ ქოლესტეროლის ფრაქციებს: დაბალი სიმკვრივის ლიპოპროტეინებს (LDL) და მაღალი სიმკვრივის ლიპოპროტეინებს (HDL), რომლებიც განსხვავდებიან შემადგენლობითა და ფუნქციით.

ესტროგენები აქვეითებს, ხოლო ანდროგენები ზრდის მსაერთო ქოლესტეროლის დონეს. . ქოლესტეროლის დაგროვება არის გულ-სისხლძარღვთა სისტემის დაავადებების (ათეროსკლეროზი და გულის კორონარული დაავადება) განვითარების ერთ-ერთი მნიშვნელოვანი რისკ ფაქტორი.

საერთო ქოლესტეროლის გამოკვლევა ყოველთვის მიზანშეწონილია ტრიგლიცერიდების, HDL და LDL ქოლესტერინის განსაზღვრასთან ერთად.