შოგრენის სინდრომთან ასოცირებული ანტიგენი A|აუტო ანტისხეულები anti-Ro/SSA

ზოგადი ინფორმაცია

ENA ექსტრაქტირებადი ნუკლეარული აუტოანტისხეულები  წარმოადგენს ანტინუკლეარული ანტისხეულების ნაწილს და ვითარდება სხვადასხვა კლასის ნუკლეარული ცილების მიმართ:

ანტი-SS-A

ანტი-SS-B

ანტი-RNP

ანტი-SM

ანტი-SCL-70

ანტი-JO-1

ანტი-SS-A  –  ყველაზე ხშირად აღმოჩენადი ENA ანტისხეულია. ასოცირდება შოგრენის სინდრომთან, სისტემურ წითელ მგლურასთან, მის ქვემწვავე სუბკუტანეურ მიმდინარეობასთან, ახალშობილთა მგლურასთან და ა.შ.

ანტი-SS-B  –  აუტოიმუნური შემაერთებელქსოვილოვანი დაავადებების ტიპური მარკერია. გვხვდება შოგრენის დაავადების, სკლეროდერმიის, მიოზიტის, სისტემური წითელი მგლურას დროს.

ანტი-RNP   –    რიბონუკლეოპროტეინების მიმართ აუტოანტისხეულები. სისტემური წითელი მგლურით დაავადებულთა თიტქმის 45%-ში გვხვდება, თუმცა, ახასიათებს სხვა შემაერთებელქსოვილოვან დაავადებებსაც: შოგრენის სინდრომს, სკლეროდერმიას და პოლიმიოზიტს.

ანტი-SM  –    სმიტის აუტოანტისხეულები წარმოიქმნება ბირთვული მცირე ზომის რიბონუკლეოპროტეინის – სმიტის მიმართ, რომელიც შედგება B, B1,D,E,G ცილოვანი სუბერთეულებისგან. სმიტის აუტოანტისხეულები ტიპურია სისტემური წითელი მგლურასთვის და დაავადებულთა 30%-ში გვხვდება.

ანტი-SCL-70  –    აუტოანტისხეულები გვხვდება სისტემური სკლეროდერმიით დაავადებულთა 20%-ში და ხშირად ცუდ კლინიკურ პროგნოზზე მიუთიტებს.

ანტი-JO-1  –   მიოზიტისთვის დამახასიათებელი აუტოანტისხეულია, რომელიც გვხვდება იდიოპათიური ანთებითი მიოპათიებით პაციენტებში. ეს ანტისხეულები მიმართულია ჰისტიდილ-სატრანსპორტო რნმ-ის სინტეტაზას წინააღმდეგ და აინჰიბირებს, ჰისტიდილის მიმაგრებას სატრანსპორტო რნმ-თან ცილის სინთეზისას.

მასტან ასოცირებულია ხშირად  პოლიმიოზიტის და დერმატომიოზიტის  ფილტვის დაზიანებით მიმდინარე ფორმა. ანტი-JO-1 ანტისხეულების ტიტრი პირაპირ კონტექსტშია დაავადების აქტივობასთან.

როდის ჩავიტაროთ ტესტი ექსტრაქტირებად  ანტინუკლეარულ ანტისხეულებზე?

•  შემაერთებელი ქსოვილის აუტოიმუნურ სისტემურ დაავადებაზე (კოლაგენოზზე) ეჭვის დროს
• ისეთი დაავადებების სადიაგნოსტიკოდ და აქტივობის შესაფასებლად როგორებიცაა სისტემური წითელი მგლურა, პროგრესირებადი სისტემური სკლეროზი, შოგრენის სინდრომი, პოლიმიოზიტი/დერმატომიოზიტი.