ნარკოტიკული ნივთიერებების სკრინინგ-პანელი 1

ზოგადი ინფორმაცია

*ტესტი ხელისაწვდომია მხოლოდ ცენტრალურ ფილიალში,  მისამართი:  წინანდლის 9 

ნარკოტესტი გამოიყენება ორგანიზმში  ერთი ან რამდენიმე ნარკოტიკული ნივთიერების აღმოსაჩენად.

პანელის შემადგებლობაში შედის შემდეგი ტესტები:

1. MOP-მორფინი
2. MDMA-ექსტაზი
3. COC-კოკაინი
4. MTD-მეტადონი
5. BAR-ბარბიტურატები
6. BZO-ბენზოდიაზეპინი
7. AMP-ამფეტამინი
8. MET-მეტამფეტამინი
9. K2-სინთეზირებული მარიხუანა
10. TCA- ანტიდეპრესანტები

საკვლევ ნიმუშად სხვადასხვა მასალა გამოიყენება (სისხლი, თმა, ოფლი, ნერწყვი, შარდი), თუმცა შარდით ტესტირება პრაქტიკული, მარტივი და ყველაზე გავრცელებული მეთოდია. ნარკოტიკული ნივთიერებების კვალის აღმოჩენა შარდში შესაძლებელია ნივთიერებების  ბოლო მიღებიდან რამდენიმე საათის ან დღის შემდეგაც კი.

ორგანიზმში ნარკოტიკის დაყოვნების ხანგრძლივობა დამოკიდებულია:

• ნარკოტიკის ტიპზე
• მიღებულ დოზაზე
• ნარკოტიკის მოხმარების ხანგრძლივობაზე
• ორგანიზმის რეაქციაზე

რისთვის გამოიყენება ნარკოტესტი?

ნარკოტიკული  ტესტირება ადგენს, ამა თუ იმ ნივთიერების კონცენტრაციას ორაგნიზმში, თუმცა, მას არ შეუძლია დაადგინოს დამოკიდებულება მედიკამენტზე.

საკვლევი მასალა: შარდი

კვლევისთვის მომზადება: აუცილებელია ექიმის ინფორმირება, ყველა   სარეცეპტო მედიკამენტებზე, არასარეცეპტო მედიკამენტებსა და საკვებ დანამატებზე, რომელსაც შესაძლოა იღებდეს პაციენტი, რადგან ეს ნივთიერებები ზოგჯერ გავლენას ახდენს ტესტის პასუხზე. რეკომენდებულია ყაყაჩოს თესლის შემცველი პროდუქტების მიღებისგან ტავის არიდება, ტესტირებამდე მინიმუმ 12 საათის განმავლობაში, რადგან მასში შემავალი ოპიატები გავლენას იქონიებს ტესტის შედეგებზე.

შედეგების ინტერპრეტაცია

თუ ტესტის შედეგები უარყოფითია, ეს ნიშნავს, რომ ნარკოტიკული ნივთიერებები არ აღმოჩნდა შარდის ნიმუშში, ან აღმოჩნდა უნიშვნელო რაოდენობა, რაც არასაკმარისია პოზიტიური მნიშვნელობის მინიჭებისთვის.

თუ ნარკოტესტი დადებითია ერთ ან რამდენიმე ნივთიერებაზე, ეს მიუთითებს აღნიშნული ნარკოტიკის მოხმარებაზე ან მედიკამენტის ბოროტად გამოყენებაზე.