პანტოთენის მჟავა (ვიტამინი B5)

ზოგადი ინფორმაცია

პანტოთენის მჟავა – B5 ვიტამინი ნახშირწყლების და ცხიმების დაშლაში მონაწილე ვიტამინია. ის მონაწილეობს ენერგიის წარმოქმნაში. ასევე მნიშვნელოვანია მისი როლი სისხლის უჯრედების წარმოქმნაში, ასევე სასქესო და სტერული ჰორონების სინთეზში, საჭმლის მომნელებელი ტრაქტის გამართულ ფუნქციონირებაში. B5 ვიტამინი კოენზიმ A-ს სტრუქტურული ერთეულია.
პანტოთენის მჟავის ანუ B5 ვიტამინის საჭიროება სხვადასხვა ასაკში განსხვავებულია. პანტოთენის მჟავას ბუნებრივად შეიცავს მტელი რიგი საკვები: ხორცი, კვერცხი, რძე, ზღვის პროდუქტი, სოკო, ავოკადო, ბროკოლი, კარტოფილი, თხილეული, მზესუმზირა, მარცვლეული და სხვა.
როგორც წესი პანტოთენის მჟავას დეფიციტი იშვიათია და ადამიანები საკმარისად იღებენ მას საკვებიდან, თუმცა, მისი დეფიციტი მაინც შესაძლოა განვითარდეს. ადამიანები იშვიათი გენეტიკური დაავადებით – პანტოთენკინაზასთან ასოცირებული ნეიროდეგენერაციით – ვერ ითვისებენ მიღებულ პანტოთენის მჟავას (B5 ვიტამინს), რაც იწვევს დეფიციტისთვის დამახასიათებელი სიმპტომების განვიტარებას. B5 ვიტამინის დეფიციტს ახასიათებს: კიდურების დაბუჟების ან წვის შეგრძნება, თავის ტკივილი, ძლიერი საერთო სისუსტე და დაღლილობა, შფოთვა-მოუსვენრობა, უძილობა, მუცლის ტკივილი, გულისრევა-ღებინება, დიარეა, მადის დაქვეითება.

პანტოთენის მჟავას დეფიციტი დგინდება სისხლში მისი შემცველობის განსაზღვრით.