ნეირონული ანტისხეულების პროფილი (Hu, Yo, Ri, CV2, Amphiphysin, Ma2/Ta) – პარანეოპლაზიური სინდრომი

ზოგადი ინფორმაცია

ანტი-ნეირონული ანტისხეულები წარმოადგენს პარანეოპლაზიურ ნევროლოგიურ სინდრომებთან დაკავშირებული აუტოანტისხეულების განსაკუთრებულ კატეგორიას.

პარანეოპლაზიური ნევროლოგიური სინდრომები თან ახლავს ავთვისებიან სიმსივნეებს, თუმცა არ წარმოადგენს ძირითადი ან მეტასტაზური სიმსივნით გამოწვეულ მდგომარეობას, არ აქვს სისხლძარღვოვანი ან ინფექციური წარმოშობა. ასევე არ წარმოადგენს მედიკამენტების გვერითი ეფექტების შედეგებს. ამ სინდრომების საფუძველს წარმოადგენს იმუნოლოგიური მექანიზმები, რომლებიც პირველადი ან მეტასტაზური სიმსივნის კერისგან მოშორებით ვითარდება.

არსებობს რამდენიმე ტიპის ანტინეირონული ანტისხეულები:

• ანტი-Hu IgG ანტისხეულები, ანტი-Ri IgG ანტისხეულები და ანტი-Yo  IgG ანტისხეულები (აბრევიატურები წარმოსდგება პაციენტების სახელებისგან, რომლებშიც პირველად აღმოაჩინეს ეს ანტისხეულები
• ANNA ანტისხეულები – ანტინეირონული ანტინუკლეარული ანტისხეულები

სიმსივნის სხვადასხვა ტიპის უჯრედები სხვადასხვა ტიპის ანტისხეულების განვითარებას იწვევს. ამ ანტისხეულების ჯვარედინი ურთიერთქმედება ნერვული უჯრედების მსგავს ანტიგენებთან, იწვევს პარანეოპლაზიური სინდრომის განვითარებას.

• ანტი-Hu IgG ანტისხეულები – რომელიც უკავშირდება ენცეფალომიელიტის სინდრომს ან სენსორულ ნეიროპათიას. ეს ანტისხეულები არ გვხვდება ჯანმრთელ პირებში, ისევე როგორც პაციენტებში პარანეოპლაზიური ნევროლოგიური სინდრომის გარეშე. ეს ანტისხეულები გვხვდება ფილტვის წვრილუჯრედოვან კიბოსთან ასოცირებული ნევროლოგიური პარანეოპლაზიური სინდრომის დროს. ანტი-Hu IgG ანტისხეულების დაბალი ტიტრი მიუთითებს დაავადების ადრეულ ფაზაზე ან ქიმიოთერაპიის დადებით ეფექტზე.
• ანტი-Ri IgG ანტისხეულები – ყველაზე ხშირად გამოვლენილი ანტინეირონული ანტისხეულებია. სისხლსა ან თავზურგტვინის სითხეში მათი ტიტრის განსაზღვრა გამოიყენება დაუზუსტებელი გენეზის (აუტოიმუნური, პარანეოპლაზიური)  ნევროლოგიური დარღვევების სადიაგნოსტიკოდ. ეს ანტისხეულები ხშირია ძუძუს კიბოს დროს. იშვიატად გვხვდება სხვა გინეკოლოგიური ან ფილტვის კიბოს დროს.
• ანტი-Yo IgG ანტისხეულები, იგივე პურკინიეს უჯრედების საწინააღმდეგო ანტისხეულებია, რადგან ისინი აზიანებს ნათხემის პურკინიეს უჯრედებს. აღნიშნული ანტისხეულების კვლევა უტარდებათ პაციენტებსნისტაგმით, დიზართრიით და ატაქსიით. აღნიშნული ანტისხეულების კვლევა განსაკუთრებით მნიშვნელოვანია გინეკოლოგიური, ფილტვის და მკერდის სიმსივნეების დროს.

პარანეოპლაზიური სინდრომი ასოცირებულია არამარტო ავთვისებიან სიმსივნეებთან, არამედ ისეთ დაავადებებთანაც, როგორიცაა ტიპი 1 შაქრიანი დიაბეტი, რომლის დროსაც ვლინდება პანკრეასის კუნძულოვანი აუტო-ანტისხეულების ჯვარედინი აქტივობა თავის ტვინის რუხი ნივთიერების მიმართაც.

პაციენტის მომზადება: კვლევა ტარდება უზმოდ ან კვების შემდეგ

საკვლევი მასალა: ვენური სისხლი

რეფერენტული ნორმები

– ამფიფიზინი : უარყოფითი

– CV2 : უარყოფითი

–  Ma2/Ta : უარყოფითი

– Ri : უარყოფითი

–  Yo : უარყოფითი

– Hu : უარყოფითი

ანტინეირონული ანტისხეულების კვლევისას, პოზიტიური შედეგების მიღებისას აუცილებელია პარანეოპლაზიური ნევროლოგიური სინდრომის გამომწვევი სიმსივნის ძიება, მაშინაც კი, თუ სიმსივნის აშკარა ნიშნები არ არსებობს.

განსაკუთრებით ეს ეხება ფილტვის, ძუძუს და გინეკოლოგიურ სიმსივნეებს.

ანტი-Hu IgG ანტისხეულების მაჩვენებელი შესაძლოა იყოს პოზიტიური, ავთვისებიანი სიმსივნის არსებობის გარეშეც, ბავშვებში ნაწლავური პათოლოგიებით, ენცეფალიტით და ნათხემის ატაქსიით.