მიელინ-ასოცირებული გლიკოპროტეინის აუტო-ანტისხეულები | აუტო ანტისხეულები IgM

ზოგადი ინფორმაცია

მიელინ-ასოცირებული გლიკოპროტეინი (MAG) უჯრედის ტრანსმემბრანული მოლეკულაა, რომელიც მხოლოდ მიელინ-შემცველ უჯრედებში )ნეირონებში) გვხვდება. მიელინ-ასოცირებული გლიკოპროტეინი ურთიერთქმედებს რეცეპტორებთან, რითაც სხვადასხვა ეფექტს ავლენს უჯრედულ ციტოჩონჩხზე (ნეიროფილამენტების ფოსფორილირების პროცესის ჩათვლით). ეს ცილა მნიშვნელოვან როლს ასრულებს მიელინის ფორმირებაშიც და მისი სტრუქტურის შენარჩუნებაშიც.

მიელინ-ასოცირებული გლიკოპროტეინის აუტოანტისხეულები იწვევს დემიელინიზაციის პროცესებს, რაც იწვევს სენსო-მოტორული ხასიათის ნეიროპათიებს და პოლინეიროპათიებს. პოლინეიროპათიები პერიფერიული ნერვული ბოჭკოების დაზიანებით მიმდინარე პროცესია, როგორც წესი ორმხრივი. სენსორული (მგრძნობელობითი) ტიპის მოშლილობები როგორც წესი წინ უძღვის მოტორულ (მოძრაობით) დარღვევებს.

მიელინ-ასოცირებული გლიკოპროტეინის ანტისხეულები როგორც წესი ასოცირებულია მონოკლონურ გამოპათიასთან.

როდის ჩავიტაროთ კვლევა?

პერიფერიული ნეიროპათიების სადიაგნოსტიკოდ

პაციენტის მომზადება: საჭირო არ არის

საკვლევი მასალა: ვენური სისხლი

რეფერალური ნორმა: ნეგატიური

შედეგების ინტერპრეტაცია

მიელინ-ასოცირებული გლიკოპროტეინის აუტოანტისხეულების მომატებული კონცენტრაცია აღინიშნება მადემიელინიზირებელი სენსო-მოტორული ნეიროპათიების დროს. აუტოანტისხეულების ზომიერი მატება აღინიშნება გაფანტული სკლეროზის და ანთებითი ნეიროპათიებისას.

ეს აუტოანტისხეულები იშვიათად შესაძლოა გამოვლინდეს რევმატოიდული ართრიტის და სხვა კოლაგენური დაავადებების დროსაც.