ლამოტრიგინი | ლაბორატორიული კვლევა

ზოგადი ინფორმაცია

ანტიკონვულსანტები ეპილეფსიის სამკურნალო მედიკამენტებია, რომელთა სხვადასხვა ჯგუფი გულყრის სხვადასხვა ტიპების დროს გამოიყენება (დიდი გულყრა, მცირე გულყრა, აბსანსები და სხვა). ანტიკონვულსანტები ასევე ჩართულია ზოგიერთი ტიპის ნევრალგიების სამკურნალოდ (მაგ: სამწვერა ნერვის ნევრალგია).

ლამოტრიგინი გამოიყენება

• როგორც გენერალიზებული ტონურ-კლონური გულყრის, ასევე პარციალური გულყრების სამკურნალო საშუალება, ზრდასრულებსა და 2 წლის ზემოთ ბავშვებში
• ვალპროის მჟავით, ფენიტოინით და სხვა საშუალებებით მკურნალობისას დამატებითი მედიკამენტის სახით
• ბიპოლარული აშლილობის შემანარჩუნებელი თერაპიის დროს

თერაპიული მედიკამენტების მონიტორინგის მიზანია შეინარჩუნოს მედიკამენტების კონცენტრაცია ორგანიზმში თერაპიულ დოზებში. მედიკამენტის ოპტიმალური დონის შენარჩუნება ორგანიზმში დამოკიდებულია ისეთ ფაქტორებზე, როგორიცაა:

• ფარმაკოკინეტიკა: განსაზღვრავს ორგანიზმზე მედიკამენტის მოქმედების ეფექტს (დოზასთან ასოცირებული ეფექტები)
• ფარმაკოდინამიკა: შეისწავლის სხეულის ზემოქმედებას მედიკამენტზე (შეწოვის, განაწილების და გამოყოფის თავისებურებები)
• ფარმაკოგენეტიკა: მედიკამენტის მეტაბოლიზმის გენეტიკური პატერნი

მედიკამენტით ინტოქსიკაცია როგორც წესი პლაზმაში მისი კონცენტრაციის პიკის მიღწევის დროს ხდება. ინტოქსიკაციის სიმპტომები ვლინდება თავბრუხვევით, წონასწორობის დარღვევით, მხედველობის დაბინდვით ან გაორებით, ღებინებით და სხვა.

როდის ტარდება კვლევა?

• დოზა-ეფექტის ურთიერთკავშირის დარღვევისას
• თერაპიული ეფექტის არარსებობა ან ეჭვი მედიკამენტით ინტოქსიკაციაზე
• კლინიკური ეფექტის დადასტურების სიძნელეები
• ვიწრო თერაპიული დიაპაზონი