ჰომოცისტეინი | ლაბორატორიული კვლევა

ჰომოცისტეინის ტესტი ზომავს ჰომოცისტეინის ოდენობას სისხლის ნიმუშში. ჰომოცისტეინი წარმოადგენს ამინომჟავას.

ნორმაში, ჰომოცისტეინის დონე სისხლში დაბალია. ამას უზრუნველყოფს ვიტამინი B12, B6 და ფოლიუმის მჟავა (ანუ B90, რომლებიც შლის ჰომოცისტრინს ორგანიზმისთვის საჭირო სხვა სუბსტნციებად. სისხლში ჰომოცისტეინის მაღალი კონცენტრაცია მიუთიტებს ამ პროცესების გაუმართაობაზე და B ჯგუფის ვიტამინების დეფიციტზე.

ჰომოცისტეინის მაღალი კონცენტრაცია აზიანებს სისხლძარღვების შიდა შრეს – ენდოთელიუმს და ქმნის თრომბოზის რისკს, რაც  თავის მხრივ კარდიო-ვასკულური დაავადებების რისკფაქტორია.

ჰომოცისტეინის განსაზღვრა სისხლში გამოიყენება

• B ჯგუფის ვიტამინების დეფიციტის დიაგნოსტირებისთვის
• ჰომოცისტინურიის დიაგნოსტირებისთვის. ჰომოცისტინურია იშვიათი გენეტიკური დაავადებაა, რომლის დროსაც ხდება ჰომოცისტეინის კარგვა და ის ვერ ერთვება მნიშვნელოვანი ცილსბის სინთეზის პროცესში. სიმპტომები იწყება სიცოცხლის პირველივე თვეებიდან, თუმცა სრული კლინიკური გამოვლინება მოგვიანებით აღინიშნება. პაციენტებს აქვთ მხედველობის დარღვევები, სისხლის შედედების პრობლემები და ძვლების მინერალიზაციის დარღვევა.
• რისკფაქტორების (არტ ჰიპერტენზია, ათეროსკლეროზი, დიაბეტი) არსებობისას, გულსისხლძარღვთა სისტემის დაავადებების დიაგნოსტირებისთვის, რუტინულ კვლევებთან ერთად.

როდის ჩავიტაროთ ტესტი?

ჰომოცისტეინის კვლევის ჩატარება მოწოდებულია  B ჯგუფის ჰიპოვიტამინოზის დროს, თუ გაქვთ შემდეგი სიმპტომები:

• თავბრუხვევა
• სისუსტე
• თავის ტკივილი
• გულის ფრიალი
• კანის შეფერილობის და ფრჩხილის ფორმის ცვლილება
• წყლულები პირის ღრუს ლორწოვანზე
• დაბუჟება სხეულის სხვადასხვა მიდამოში

ასევე ჰომოცისტეინის განსაზღვრა შესაზლოა საჭიროდ ჩაითვალოს:

• მალნუტრიციისას
• ხანდაზმულებში (ნაწლავის შეწოვის პროცესების დარღვევის დროს)
• ალკოჰოლ და ნარკოტიკდამოკიდებულ პირებში
• გადატანილი ინფარქტის ან ინსულტის დროს
• ჰიპერქოლესტერინემიისას

საკვლევი მასალა

ვენური სისხლი

შედეგების ინტერპრეტაცია

ჰომოცისტეინის მაღალი დონე სისხლში შესაძლოა მიანიშნებდეს:

• B ჯგუფის ვიტამინების არასაკმარის მოხმარებას
• ჰომოცისტინურიის არსებობას
• გულ-სისხლძარღვოვანი დაავადებების განვიტარების  მაღალ რისკს

ჰომოცისტეინის ნორმასთან შედარებით მომატებული მაჩვენებელი ახასიათებს:  ოსტეოპოროზს, თირკმლის ქრონიკულ დაავადებებს, ჰიპოთირეოზს,ალცჰეიმერის დაავადებას, სხვადასხვა ტიპის დემენციებს.

ჰომოცისტეინის მაღალი მაჩვენებელი ყოველთვის არ ნიშნავს ზემოაღნიშნული დაავადებების არსებობას. მაჩვენებლების ინტერპრეტაციისას უნდა გავითვალისწინოთ:

• ასაკი. დაბერებასთან ერთად ჰომოცისტეინი სისხლში იმატებს
• სქესი. მამაკაცებს ჰომოცისტეინის დონე უფრო მაღალი აქვთ, ვიდრე ქალებს. მაჩვენებლები თანაბრდება მენოპაუზის ასაკის შემდეგ.
• მავნე ჩვევები. მოწევა, ალკოჰოლი და სხვა.

როგორ მოვემზადოთ ტესტისთვის?

კვლევა ტარდება უზმოდ, ბოლო კვებიდან მინიმუმ 8-12 საათის შუალედით. ამავე პერიოდით უნდა შეწყვიტოთ B ჯგუფის პრეპარატების მიღება.