თავისუფალი ცხიმოვანი მჟავები

ზოგადი ინფორმაცია

თავისუფალი ცხიმოვანი მჟავების კვლევა გამოიყენება მეტაბოლური სტატუსის შესაფასებლად:

• ენდოკრინოპათიების (სიმსუქნე, გაცხიმოვნება, მეტაბოლური სინდრომი) მქონე პაციენტებში
• შაქრიანი დიაბეტის მონიტორინგის პროცესში
• თერაპიული მეთოდების ეფექტურობის შესაფასებლად
• კარდიოვასკულური რისკების შესაფასებლად

თავისუფალი ცხიმოვანი მჟავების კონცენტრაციის მატება შრატში ახასიათებს:

• კარდიოვასკულურ დაავადებებს
• მეტაბოლურ სინდრომს
• სიმსუქნეს
• ტიპი 2 შაქრიან დიაბეტს

თავისუფალი ცხიმოვანი მჟავების მატება კავშირშია ინსულინრეზისტენტობასა და სისხლძარღვების ენდოთელიუმის (შიგნითა ამომფენი შრის) ანთებით პროცესებთან.

საკვლევი მასალა: ვენური სისხლი (შრატი)

პაციენტის მომზადება: კვლევა ტარდება უზმოდ (ბოლო კვებიდან 12-14 საათიანი შუალედით. მასალის აღებამდე  24 საათის განმავლობაში აკრძალულია ალკოჰოლის მიღება. ჰეპარინით მკურნალობის დროს კვლევის ჩატარება არ არის რეკომენდებული.

პაციენტებს, რომლებიც  მკურნალობენ ჰეპარინით, აღენიშნებათ თავისუფალი ცხიმოვანი მჟავების კონცენტრაციის ცრუ მატება (ჰეპარინი იწვევს  ფერმენტ  ლიპოპროტეინ-ლიპაზას გააქტივებას, რომელიც ასტიმულირებს  ტრიგლიცერიდებიდან და შრატის ლიპოპროტეინებიდან თავისუფალი ცხიმოვანი მჟავების გამოთავისუფლებას).