კომპლემენტის C4 კომპონენტი

ზოგადი ინფორმაცია

კომპლემენტის სისტემა, ანუ ე.წ. კომპლემენტის კასკადი წარმოადგენს ჰუმორული,  იმუნიტეტის შემადგენელ ნაწილს, რომელიც აძლიერებს ფაგოციტებისა და ანტისხეულების მიერ დაზიანებული უჯრედებისა და მიკრობების ორგანიზმიდან მოცილების უნარს. აძლიერებს პათოგენურ უჯრედებსა და მოკრობებზე შეტევის უნარს.

C4 კომპონენტი  კომპლემენტის სისტემის ნაწილია, რომელიც ძირითადად ფილტვებსა და ძვლებში სინთეზირდება. შრატის C4 კომპონენტის კონცენტრაცია სისტემური წითელი მგლურის აქტივობის მგრძნობიარე ინდიკატორია.

თანდაყოლილი ანგიოედემის დროს ფერმენტ C1-ესთერაზას ინჰიბიტორის ნაკლებობა იწვევს C2 და C4 კომპონენტების დაშლის გაძლიერებას, რის გამოც C4 კომპონენტის დონე შრატში დაბალია.

C4 კომპონენტის დაბალი მაჩვენებელი აღინიშნება მგლურას უჯრედების გარეშე მიმდინარე სისტემური წითელი მგლურას მსგავსი მდგომარეობისას, შონლაინ-ჰენოხის პურპურით და გლომერულონეფრიტით.

კომპლემენტის C4 კომპონენტის მემკვიდრული დეფიციტი ზრდის ჩირქოვანი პროცესებით მიმდინარე ბაქტერიული ინფექციების რისკის.

როდის ტარდება C4 კომპონენტის კვლევა?

• ეჭვი C4 კომპონენტის თანდაყოლილ ან შეძენილ დეფიციტზე, რომელიც ასოცირებულია იმუნოლოგიური დარღვევებით მიმდინარე დაავადებებთან: სისტემური წითელი მგლურა, შრატის დაავადება, ქრონიკული აქტიური ჰეპატიტი, გლომერულონეფრიტები.

• სისტემური წითელი მგლურას აქტივობის შეფასება
• მემკვიდრული ანგიოედემის დიაგნოზის დასადასტურებლად – როდესაც ფერმენტ C1-ესთერაზას ინჰიბიტორის დონე დაბალია.

პაციენტის მომზადება: კვლევა ტარდება უზმოდ

საკვლევი მასალა: ვენური სისხლი

რეფერენტული საზღვრები ​​– 10-40 მგ/დლ

შედეგების ინტერპრეტაცია

ზოგიერთი მედიკამენტი გავლენას ახდენს კომპლემენტის კომპონენტების მაჩვენებელზე

ზრდის : ციკლოფოსფამედი, დანაზოლი, ორალური კონტრაცეპტივები

ამცირებს: დექსტრანები, მეთილდოფა, პენიცილამინი

მონოკლონური  IgA ან IgM ტიპის გამოპათიები გავლენას ახდენს C4 განსაზღვრაზე. შრატის ჭარბი ლიპემია იწვევს С4 კომპონენტის მაჩვენებლის მომატებას.