საერთო კარნიტინი (შრატი)

ზოგადი ინფორმაცია

კარნიტინი (β-ჰიდროქსი- γ-ტრიმეთილამონიუმ-ბუტირატი) ამონიუმის ნაერთია, რომელიც სინთეზდება ღვიძლსა და თირკმელში ორი შეუცვლელი ამინომჟავის: ლიზინის და მეთიონინისგან.

კარნიტინი ორი სტერეოიზომერითაა წარმოდგენილი: L-კარნიტინი – ბიოლოგიურად აქტიური ფორმა და D-კარნიტინი – ბიოლოგიურად არააქტიური ფორმა. კარნიტინის სინთეზისათვის აუცილებელია ვიტამინი C (ასკორბინის მჟავა).

კარნიტინის მცირე ზომის, წყალში ხსნადი მოლეკულები უკავშირდება გრძელჯაჭვიან ცხიმოვან მჟავებს, რაც აადვილებს მათ ტრანსპორტირებას მიტოქონდირიის მატრიქსში. აღნიშნული კომპლექსი აქ იშლება აცეტილ-კოენზიმ-A და ენერგიის წარმოქმნით.

კარნიტინი და მასთან დაკავშირებული სუბსტრატები მნიშვნელოვანია ენერგიის წარმოქმნისა და ნორმალური მეტაბოლიზმისთვის.

როდის ტარდება კვლევა?

კარნიტინის განსაზღვრა სისხლში (საჭიროებისას შარდშიც) საჭიროა იმ დაავადებების მონიტორინგისათვის, რომლებიც იწვევს ორგანულ უკმარისობას, აციდემიას და ცხიმოვანი მჟავების ოქსიდაცასი. ასეთებია:

• სიმსივნეები
• ტიპი 2 შაქრიანი დიაბეტი
• თირკმლის დაავადებები
• გულის დაავადებების დეკომპენსაცია და სხვა

სიმპტომები, რომლის დროსაც რეკომედნებულია კარნიტინის განსაზღვრა  (სხვა კვლევებთან კომბინაციაში):

• ქრონიკული სისუსტე და დაღლილობა
• კუნთების ტონუსის დაქვეითება
• კარდიომიოპათია
• მიოპათია ლიპიდების დეპონირებით
• ზრდის შეფერხება
• ჰიპოგლიკემიის ეპიზოდები
• მეტაბოლური აციდოზი

საკვლევი მასალა: ვენური სისხლი

პაციენტის მომზადება: არ არის საჭირო