ალბუმინი | ლაბორატორიული კვლევა

შედეგების შესაძლო ინტერპრეტაცია

ალბუმინის მომატებული დონე:

დეჰიდრატაციის სინდრომი (ინფექციური დაავადებები (ქოლერა), ფართო დამწვრობა, მძიმე დაზიანებები).

ალბუმინის შემცირებული დონე:

ჰიპოალბუმინემია (ალბუმინის დაბალი დონე) გამოწვეულია რამდენიმე ფაქტორით: სინთეზის დარღვევა ღვიძლის დაავადების (პირველადი) ან ცილის მიღების შემცირების გამო (მეორადი), გაზრდილი კატაბოლიზმი ქსოვილის დაზიანებისა და ანთების გამო, ამინომჟავების მალაბსორბცია და თირკმლების ექსკრეციის გაზრდა (მაგ. ნეფროზული სინდრომი).

• გაზრდილი მოთხოვნილება: ორსულობა, ჰიპერთირეოზი;
• ჰემოდილუცია (სისხლის გათხელება): ხსნარების ჭარბი ინფუზია, ანტიდიურეზული ჰორმონის არაადექვატური სეკრეცია, უშაქრო დიაბეტი, ფსიქოგენური წყლით ინტოქსიკაცია;
• ქრონიკული ალკოჰოლიზმი;
• მემკვიდრეობითი ანალბუმინემია;
• გაზრდილი კატაბოლიზმი: ინფექციები, ნეოპლაზმები;
• ჭარბი კარგვა: ნეფროზული სინდრომი, მასიური სისხლდენა, ანასარკა, ენტეროპათია ცილის დაკარგვით, ფართო დამწვრობა, მძიმე დერმატოლოგიური პათოლოგიები.