ქრომოგრანინი A | ლაბორატორიული კვლევა

ზოგადი ინფორმაცია

ქრომოგრანინი A გრანინის ოჯახის შემადგენელი ცილაა, რომელიც ნეიროენდოკრინული უჯრედების სეკრეტორულ ვეზიკულებშია აღმოჩენილი. მათი ფუნქციაა უჯრედის სეკრეტორული აქტივობის რეგულირება.

ქრომოგრანინი მნიშვნელოვანი მარკერია ისეთი ქსოვილოვანი სიმსივნეების დროს, როგორიცაა: კარცინოიდი, ფეოქრომოციტომა, ნეირობლასტომა, ფარისებრის მედულური კარცინომა, ჰიპოფიზის სიმსივნეები, პანკრეასის კუნძულოვანი სიმსივნეები, აპუდომები და სხვა.

შრატის ქრომოგრანინი A კონცენტრაცია შესაბამისობაშია სიმსივნური პროცესის მოცულობასთან. ის ასევე მგრძნობიარე მარკერია ნარჩენი (რეზიდუალური) სიმსივნეებისა და რეციდივების პროგნოზირებისათვის.

ზოგიერთი კარცინოიდული სიმსივნე გამოყოფს ქრომოგრანინ A – სეროტონინთან და პეპტიდებთან ერთად.

როდის ტარდება კვლევა?

• კარცინოიდული სიმსივნეების დიაგნოსტიკა და მონიტორინგი (დიაგნოსტიკის პირველი რიგის მარკერია სეროტონინთან ერთად)
• სხვა ნეიროენდოკრინული სიმსივნეების დამატებითი სადიაგნოსტიკო მარკერი

პაციენტის მომზადება

საკვლევი ნიმუშის აღებამდე  1 კვირის განმავლობაში უნდა უნდა შეწყდეს პროტონული ტუმბოს ინჰიბიტორების (“ანტაციდების”) მიღება.

საკვლევი მასალა – ვენური სისხლი

შედეგების ინტერპრეტაცია

კარცინოიდული სიმსივნეების უმეტესობას  ახასიათებს  ქრომოგრანინი A კონცენტრაციის მატება. კვლევის მაქსიმალური სენსიტიურიბისათვის, უმჯობესია ერთდროულად ჩატარდეს ქრომოგრანინისა, შრატის  სეროტონინისა და შარდის  5-HIIIA (5-ჰიდროქსი-ინდოლ აცეტო აცეტატი)კონცენტრაციის განსაზღვრა. თუ სამივე პარამეტრი ნეგატიურია, კარცინოიდული სიმსივნის არსებობა გამოირიცხება.

რადგანაც ქრომოგრანინი A მეტაბოლიზდება ღვიძლში და გამოიყოფა თირკმელებით, პაციენტებს ღვიძლ-თირკმლის პროგრესირტებადი უკმარისობით, ხშირად აღენიშნებათ ქრომოგრანინის მარალი კონცენტრაცია, რაც ამცირებს მის ლაბორატორიულ ღირებულებას.

მედიკამენტები, რომლებიც ასტიმულირებს ნეიროენდოკრინულ უჯრედებს, განსაკუთრებით პროტონული ტუმბოს ინჰიბიტორები, მნიშვნელოვნად ზრდის შრატის ქრომოგრანინი A-ს კონცენტრაციას.