აქვაპორინ-4 | AQP-4 IgG აუტოანტისხეულები (შრატი) | ოპტიკური ნეირომიელიტის დიაგნოსტიკა

ზოგადი ინფორმაცია

აქვაპორინი 4 მემბრანული ცილაა, რომელიც წყლის არხის ფუნქციას ასრულებს, განსაკუთრებით თავის ტვინის ასტროციტულ უჯრედებში (ასტროციტები –  ნერვული უჯრედების „დამხმარე“ გლიური უჯრედებია).

აქვაპორინ-4 პასუხისმგებელია უჯრედის წყლის ბალანსზე – ოსმოსური და ჰიდროსტატიკური წნევის ცვლილების შესაბამისად.  აღნიშნული ცილის რეგულატორული ფუნქციის მოშლა დაკავშირებულია ციტოტოქსიური და სისხლძარღვოვანი (ვაზოგენური) შეშუპების განვითარებასთან, ტვინის ქსოვილის იშემიის/დაზიანების დროს.

აქვაპორინ-4-ის აუტოანტისხეულები აუტოიმუნური დაავადების – ოპტიკური ნეირომიელიტის დროს ვითარდება.

ოპტიკური ნეირომიელიტის დროს აღმოჩენილი მაღალსპეციფიკური IgG აუტოანტისხეულების სამიზნეს წარმოადგენს სწორედ ასტროციტული უჯრედების ცილა აქვაპორინ-4.

პაციენტის მომზადება: არ არის საჭირო

საკვლევი მასალა: ვენური სისხლი

შედეგების ინტერპრეტაცია

აუტოანტისხეულების მაჩვენებელი განისაზღვრება ტიტრით

< 1/10 თანაფარდობაზე ნაკლები ტიტრი  – მიუთითებს უარყოფით შედეგზე (აუტოანტისხეულების არარსებობაზე)

აქვაფორინ-4-ის აუტოანტისხეულების მომატებული ტიტრი დაავადების მწვავე სტადიაზე ვლინდება

აუტოანტისხეულების ტიტრი ქვეითდება სტეროიდების მაღალი დოზით მკურნალობისას და იმუნოსუპრესიის ფონზე განვითარებული რემისიის დროს.