Free Estriol E3 /თავისუფალი ესტრიოლი E3

დამატებითი ინფორმაცია

პასუხის დრო (სამუშაო დღე) | Time to results

1-2

ანალიზის შესრულების ლოკაცია | Where is performed

Georgia

53.00

ზოგადი ინფორმაცია:

ესტრიოლი (E3) არის ორსული ქალეის სისხლში და შარდში არსებული ესტროგენი. მოცირკულირე ესტრიოლი (90%) წარმოიქმნება პლაცენტაში DHEA- სგან, რომელიც ნაყოფის თირკმელზედა ჯირკვალებში სინთეზირდება და ნაყოფის ღვიძლისა და პლაცენტის საშუალებით ესტრიოლად გარდაიქმნება.

შესაბამისად, ესტრიოლის დონე წარმოადგენს მარკერს ნაყოფის ქრომოსომული პათოლოგიისა (შედის მეორე ტრიმესტრის ბიოქიმიური ტესტების კომპლექსში AFP და β-hCG-თან ერთად), და ნაყოფისა და ფეტოპლაცენტური კომპლექსის მდგომარეობის შესაფასებლად. (პლაცენტური ლაქტოგენის დონესთან ერთად).

მოცირკულირე ესტრიოლი ძირითადად წარმოდგენილია კონიუგირებული ფორმით, რომელიც გამოიყოფა შარდით, ამასთან თავისუფალი ესტრიოლი (არაკონიუგირებული) შეადგენს მთლიანის დაახლოებით 9%-ს. ნაყოფის ნორმალური განვითარების პირობებში, ესტრიოლის წარმოება თანდათან მატულობს, მაქსიმუმს მიაღწევს გესტაციის (ორსულობის) 36 კვირაზე, თუმცა, აღინიშნება დონის მნიშვნელოვანი ინდივიდუალური რყევები, ამიტომ რეკომენდებულია ყურადღება გამახვილდეს არა ჰორმონის ერთჯერად განსაზღვრაზე, არამედ ჰორმონის დონის შეფასების დინამიკაზე (ჰორმონის დონის მატების არსებობა).

ესტრიოლის დაბალი დონე, დაქვეითების დინამიკა ან დონის მკვეთრი ვარდნა ასახავს ნაყოფის პათოლოგიის არსებობას (ქრომოსომული პათოლოგია, ნაყოფის საშვილოსნოსშიდა განვითარების შეფერხება, ნაყოფის თირკმელზედა ჯირკვლის პათოლოგია) ან ფეტოპლაცენტური კომპლექსის დარღვევები (მოსალოდნელი აბორტის საშიშროება).

ორსულობის მეორე ტრიმესტრში არაკონიუგირებული ესტრიოლის (E3), ქორიონული გონადოტროპინის (hCG) და ალფა-ფეტოპროტეინის (AFP) კომბინირებული განსაზღვრა წარმოადგენს კვლევას, რომელიც ცნობილია როგორც “სამმაგი ტესტი”. დედის კლინიკურ მონაცემებთან და სხვა გამოკვლევების მონაცემებთან ერთად, იგი გამოიყენება როგორც სკრინინგის კვლევა ნაყოფში ქრომოსომული პათოლოგიის არსებობის რისკის შესაფასებლად და შედის ბიოქიმიური მარკერების კომპლექსში.

როდის ჩავიტაროთ ტესტი ?

პრენატალური ბიოქიმიური სკრინინგი – ნაყოფის ქრომოსომული პათოლოგიის მარკერი (II ტრიმესტრი).

ნაყოფისა და ფეტოპლაცენტარული კომპლექსის მდგომარეობის შესაფასებელი მარკერი:

  • ყველა ორსულ ქალს უტარდება პრენატალური სკრინინგი ნაყოფის ქრომოსომული პათოლოგიის შესაძლო არსებობის დასადგენად. ორსულობის მეორე ტრიმესტრში ნერვული მილის დეფექტების გათვალისწინებით, სხვა ტესტებთან ერთად (AFP, hCG). ეს ტესტი გამოიყენება, როგორც მეორე ტრიმესტრის ბიოქიმიური სკრინინგის ნაწილი. გამოკვლევის ოპტიმალური პერიოდია 16 – 18 კვირა.
  • ულტრაბგერითი მონაცემები პლაცენტის შესაძლო პათოლოგიაზე, ნაყოფის განვითარების პათოლოგიაზე და ფეტოპლაცენტური კომპლექსის სტატუსის შესაფასებლად. (ჰორმონის დონის დინამიკის შეფასება პლაცენტური ლაქტოგენის დონესთან კომბინაციაში);
  • ფეტოპლაცენტარული კომპლექსის სტატუსის მონიტორინგი დედის ექსტრაგენიტალური პათოლოგიის არსებობისას: დიაბეტი, პრეეკლამფსია, რეზუსკონფლიქტი.

როგორ მოვემზადოთ ტესტის გასაკეთებლად?

ანალიზისთვის საჭიროა ვენური სისხლი. ტესტი უნდა ჩატარდეს უზმოზე (ცარიელ კუჭზე) . პაციენტემა უნდა მიუთითოს ბოლო მენსტრუაციის თარიღი ან ულტრაბგერით განსაზღვრული გესტაციური (ორსულობის) ასაკი.

შედეგების შესაძლო ინტერპრეტაცია:

დონის მომატება:

  • მრავალნაყოფიანი ორსულობა;
  • დიდი ნაყოფი;
  • ფეტოპლაცენტური უკმარისობის საწყისი ეტაპი;
  • ღვიძლის დაავადება (ესტრიოლის შემცირებული კონიუგაცია)

დონის კლება:

  • დაუნის სინდრომი, ედვარდსის სინდრომი;
  • ნაყოფის ანენცეფალია;
  • პროგრესირებადი ფეტოპლაცენტური უკმარისობა
  • ორსულობის შეწყვეტის ან ნაადრევი მშობიარობის საფრთხე;
  • დაგვიანებული მშობიარობა;
  • ნაყოფის თირკმელზედა ჯირკვლების ჰიპოპლაზია;
  • საშვილოსნოსშიდა ინფექცია;
  • ორსულის მიერ გლუკოკორტიკოიდების და ანტიბიოტიკების მიღება

გამოხატული ვარდნა (0.01 MoM-ზე ნაკლები):

  • პლაცენტარული სულფატაზას დეფიციტი X- დაკავშირებულ იქტიოზის დროს;
  • სმიტ-ლემპლი-ოპიცის სინდრომი (სასქესო ჰორმონების სინთეზის დარღვევები)
  • ნაყოფის სიკვდილი

0/5 (0 Reviews)
English EN Georgian KA Russian RU
Scroll Up