ნუკლეოსომური აუტო-ანტისხეულები

ზოგადი ინფორმაცია

ნუკლეოსომა დნმ-ის მონაკვეთია, რომელიც წარმოდგენილია 8 ჰისტონურ ცილაზე შემოხვეული დნმ-ის მონაკვეთით. დნმ-ის ასეთი სტრუქტურა მის კომპაქტიზაციას (მჭიდრო ჩალაგებას) უზრუნველყოფს – თითოეულ ბირთვში, რომლის ზომა ადამიანის თმის დიამეტრზე ნაკლებია, თავსდება 2 მეტრზე მეტი სიგრძის დნმ-ი. ნუკლეოსომები მნიშვნელოვან როლს თამაშობს გენების ექსპრესიაში.

ნუკლეოსომის საწინააღმდეგო აუტოანტისხეულები წარმოიქმნება აუტოიმუნური დაავადებების დროს, როდესაც იმუნური სისტემა შეცდომით ესხმის თავს საკუთარი უჯრედის ბირთვის სტრუქტურებს. ნუკლეოსომური ანტისხეულების წარმოქმნა ხდება ისეთი აუტოიმუნური დაავადებების დროს, როგორებიცაა:

• სისტემური წითელი მგლურა
• რევმატოიდული ართრიტი
• ოპტიკური ნეირომიელიტის სპექტრის დაავადებები
• იდიოპათიური ანთებითი მიოპათიები
• აუტოიმუნური ჰეპატიტი
• გრეივსის დაავადება და სხვა

ზოგიერთი აუტოიმუნური დაავადების დროს (მაგ: სისტემური წიტელი მგლურა) ანტინუკლეოსომურ ანტისხეულებს დიფერენცირებული დიაგნოსტიკისთვის დიდი მნიშვნელობა აქვს.

ნუკლეოსომური აუტოანტისხეულები მჭიდრო კავშირშია უჯრედულ აპოპტოზთან – უჯრედის პროგრამირებულ კვდომასტან. აპოპტოზის დროს ბირთვის დნმ-ის ნუკლეოსომები უჯრედის ზედაპირზე შიშვლდება, რაც ზოგჯერ იმუნურ რეაქციებს და აუტოანტისხეულების წარმოქმნას განაპირობებს.

როდის ტარდება კვლევა?

სისტემური წითელი მგლურას და სხვა აუტოიმუნური დაავადებების დიაგნოსტიკა

საკვლევი მასალა: ვენური სისხლი

პაციენტის მომზადება: არ არის საჭირო