გლიკოზირებული ჰემოგლობინი (HbA1c)

დამატებითი ინფორმაცია

პასუხის დრო (სამუშაო დღე) | Time to results

1

ანალიზის შესრულების ლოკაცია | Where is performed

Georgia

38.70

გლიკოზირებული ჰემოგლობინი (HbA1c) არის ჰემოგლობინი, რომელშიც გლუკოზის მოლეკულა კონდენსირებულია ჰემოგლობინის მოლეკულის β-ჯაჭვის β-ტერმინალურ ვალინთან (ამინომჟავა). გლიკოზირებული ჰემოგლობინი წარმოადგენს ჰემოგლობინის მცირე პროცენტს (5-7%). იგი არის შედეგი ერითროციტების მთელი სიცოცხლის განმავლობაში (დაახლოებით 100-120 დღე) სისხლიდან გლუკოზის უწყვეტი და შეუქცევადი შეკავშირებისა. გლიკოზილირება ხდება ორ ეტაპად, არაფერმენტული რეაქციების გზით, სისხლში გლუკოზის დონის მიხედვით. გლიკოზირებული ჰემოგლობინის დონის მატება პროპორციულია სისხლში გლუკოზის საშუალო კონცენტრაციისა ტესტირებამდე ბოლო 2-3 თვის განმავლობაში; სისხლში მისი დონე ნორმალიზდება ეუგლიკემიის მიღწევიდან 4-6 კვირის შემდეგ.

HbA1C ტესტი გამოიყენება სკრინინგისთვის, დიაგნოსტიკისა და გლუკოზის დონის გრძელვადიანი მონიტორინგისთვის შაქრიანი დიაბეტის მქონე პაციენტებში. ის ასევე თამაშობს პროგნოზულ როლს დიაბეტის მაკრო- და მიკროვასკულარული გართულებების რისკის განსაზღვრისას.

2010 წლიდან ADA-ს (ამერიკული დიაბეტის ასოციაცია) რეკომენდაციით დიაბეტის დიაგნოსტიკისთვის გამოიყენება გლიკოზირებული ჰემოგლობინი HbA1c-ის განსაზღვრა ზღვრული მნიშვნელობით 6,5% ან მეტი.

გლიკოზირებული ჰემოგლობინის (HbA1c) შესწავლის უპირატესობები დიაბეტისა და პრედიაბეტის დიაგნოსტიკისთვის:

  • ასახავს გლიკემიის დონეს დიდი ხნის განმავლობაში, ანუ ახასიათებს ქრონიკული ჰიპერგლიკემიის მდგომარეობას.
  • უზმოზე ტესტირება საჭირო არ არის, ამიტომ სკრინინგის ჩატარება ნებისმიერ დროს შეიძლება.
  • არ არის დამოკიდებული კვებით ან ემოციურ ფაქტორებზე, მედიკამენტებზე და სტრესზე.

როდის ჩავიტაროთ ტესტი გლიკოზირებულ ჰემოგლობინზე?

  • შაქრიანი დიაბეტის და შუალედური ჰიპერგლიკემიის სკრინინგი, დიაგნოსტიკა და მათი მკურნალობის ეფექტურობის მონიტორინგი;
  • დიაბეტის გართულებების განვითარების რისკის პროგნოზი.

როგორ მოვემზადოთ ტესტისთვის?

სპეციფიური მომზადება საჭირო არ არის.

რეკომენდებულია ტესტამდე მინიმუმ 12 საათის განმავლობაში შეიზღუდოს ალკოჰოლის მიღება, მოწევა და მძიმე ფიზიკური აქტივობა.

საკვლევი მასალა

ვენური სისხლი

შედეგების შესაძლო ინტერპრეტაცია

გლიკოზირებული ჰემოგლობინის კონცენტრაციის გაზრდა:

  • ჰიპერგლიკემიის არსებობა ბოლო 2-3 თვის განმავლობაში;
  • ცუდად კონტროლირებადი ან ახლად დიაგნოზირებული შაქრიანი დიაბეტი;
  • გლუკოზის ტოლერანტობის დარღვევით მიმდინარე სხვა მდგომარეობები;
  • რკინის დეფიციტი;
  • სპლენექტომია;
  • ჰემოგლობინოპათიები (კონცენტრაციის ცრუ ზრდა შეიძლება გამოწვეული იყოს ნაყოფის ჰემოგლობინის (HbF) მაღალი კონცენტრაციით).

გლიკოზირებული ჰემოგლობინის კონცენტრაციის შემცირება:

  • ჰიპოგლიკემია;
  • ჰემოლიზური ანემია;
  • სისხლდენა;
  • სისხლის გადასხმა;
  • ჰემოგლობინოპათია;
  • ორსულობა.

რესურსები

https://spravochnik.synevo.ua/ru/uglevodniy-obmen/glycirovanniy-gemoglobin.html

https://www.synevo.ro/shop/hemoglobina-glicata-hb-a1c/

0/5 (0 Reviews)
English EN Georgian KA Russian RU
Call Now Button