შარდოვანა | ლაბორატორიული კვლევა

სისხლში და შარდში შარდოვანას კონცენტრაციის ცვლილებები პირდაპირპროპორციულია ცილოვანი დიეტის და უკუპროპორციულია უჯრედების ანაბოლიზმისა ზრდის, ორსულობისა და გამოჯანმრთელების დროს.

გარდა ამისა, შარდოვანას კონცენტრაცია პლაზმაში დამოკიდებულია თირკმლებში მის შეწოვაზე: ადექვატური დიურეზისას შარდოვანას უკუშეწოვა სისხლში დისტალური მილაკებიდან მცირდება მინიმუმამდე, დიდი რაოდენობით შარდოვანა გამოიყოფა შარდის მეშვეობით და შრატის შარდოვანას დონე რჩება დაბალი; თუ სახეზეა დიურეზის შემცირება, როგორც წყურვილის, ექსიკოზის, გულის უკმარისობის დროს ოლიგურია, შარდოვანა რეაბსორბირდება დისტალური მილაკებიდან სისხლში და პლაზმაში შარდოვანას დონე იზრდება.

შრატში შარდოვანას მუდმივი მომატებული დონე მიუთითებს გლომერულური ფილტრაციის მნიშვნელოვან ცვლილებებზე. ცილის ნორმალური მიღებისას (100 გ დღეში) და თირკმლებით ნორმალური შეწოვისას, შრატში შარდოვანას მატება არ შეინიშნება მანამ, სანამ გლომერულური ფილტრაციის სიჩქარე არ შემცირდება 30 მლ/წთ-მდე.

თირკმლის გამოხატული უკმარისობისას, შრატში შარდოვანას კონცენტრაცია კორელირებს გლომერულური ფილტრაციის სიჩქარესთან. თირკმლების ქრონიკული უკმარისობის დროს პოლიურიით ან ღებინებით, თანმხლები დიარეით, ღვიძლის უკმარისობით, შარდოვანას დონე შეიძლება არ გაიზარდოს პროგნოზირებულზე უფრო მეტად. მეორეს მხრივ, თირკმლის ქრონიკული უკმარისობის დროს ოლიგურიით, ცილების გაზრდილი მიღების, გულის უკმარისობის, კუჭ-ნაწლავიდან სისხლდენის დროს, შარდოვანას დონე შეიძლება იყოს უფრო მაღალი ვიდრე მოსალოდნელია.

როგორ უნდა მოვემზადოთ ტესტისთვის?

ტესტისთვის სასურველია უზმოდ ყოფნა.