β-HCG /β- ქორიონული გონადოტროპული ჰორმონი

დამატებითი ინფორმაცია

პასუხის დრო (სამუშაო დღე) | Time to results

1-2

ანალიზის შესრულების ლოკაცია | Where is performed

Georgia

41.00

ზოგადი ინფორმაცია:

ადამიანის ქორიონული გონადოტროპინი (HCG), გლიკოპროტეინული ჰორმონია, რომელიც ჩვეულებრივ წარმოიქმნება პლაცენტაში ორსულობის დროს. არაორსულ ქალებში მისი სინთეზირება შესაძლებელია ტროფობლასტური სიმსივნური უჯრედების მიერ (მოლარული ორსულობა, ქორიონკარცინომა). გარდა ამისა, არაორსულ ქალებში და მამაკაცებში, hCG შეიძლება სინთეზირდეს სიმსივნეების ჩანასახოვანი უჯრედების მიერ ტროფობლასტური კომპონენტით (საკვერცხეები, სათესლეები) და ზოგიერთი არატროფობლასტური სიმსივნეების მიერ. ადამიანის ქორიონული გონადოტროპინი (HCG) შედგება ორი განსხვავებული ჯაჭვისგან: α და β (ანუ ინტაქტური ჰორმონი). α სუბერთეული, შედგება 92 ამინომჟავისგან და ჰიპოფიზური ჰორმონების იდენტურია ( LH, FSH და TSH). β სუბერთეული (ინტაქტური), რომელიც შეიცავს 145 ამინომჟავას, სპეციფიკურია HCG-ისთვის;

იმის გამო, რომ ტესტს აქვს მაღალი მგრძნობელობა β-HCG- ს მიმართ, არ არსებობს ჯვარედინი რეაქციის რისკი.

ამ ტესტის დახმარებით შეიძლება დადასტურდეს ორსულობის არსებობა, კვერცხუჯრედის განაყოფიერებიდან 6-10 დღის შემდეგ. HCG- ს ბიოლოგიური როლი არის ორსულობის დროს ყვითელი სხეულის დესტრუქციის შეჩერება,რაც აუცილებელია ორსულობის შენარჩუნებისთვის. ის ასევე გავლენას ახდენს სტეროიდული ჰორმონების წარმოებაზე. ორსული ქალების შრატი შეიცავს ძირითადად ინტაქტურ β-HCG- ს. HCG- ს საერთო კონცენტრაცია შრატსა და შარდში ექსპონენტურად იზრდება ორსულობის დროს და ორმაგდება დაახლოებით 40-48-საათში, მაქსიმუმს მიაღწევს 8-12 კვირაში. ჰორმონის წარმოება თანდათანობით მცირდება ორსულობის მე-10-20 კვირაში, მაქსიმალური კონცენტრაციის 1 /5- 1/20-ის ფარგლებში, რის შემდეგაც იგი რჩება პლატოზე ორსულობის დასრულებამდე.

როდის ჩავიტაროთ ტესტი ?

  1. ორსულობის მარკერი: ორსულობის ადრეული დიაგნოზი, გესტაციური ასაკის დადგენა, ექტოპიური (გარეგანი) ორსულობის გამოვლენა (ტრანსვაგინალურ ულტრაბგერიასთან ერთად) და ორსულობის შეწყვეტის საშიშროება (აღნიშნული ჰორმონის კომპენსატორული მომატება ყვითელი სხეულის აქტივაციისა და პროგესტერონის გამომუშავების მომატებისათვის).
  2. სიმსივნური მარკერი: HCG მაპროდუცირებელი საკვერცხის , სათესლე ჯირკვლის და პლაცენტალური წარმოშობის სიმსივნეების გამოვლენა და მონიტორინგი; სათესლე ჯირკვლის სიმსივნეების შემთხვევაში, HCG განისაზღვრება AFP- თან ერთად.
  3. როგორ მოვემზადოთ ტესტის გასაკეთებლად?

    β-HCG -ის დონის დასადგენად საჭიროა ვენური სისხლის აღება. ტესტისთვის სპეციალური მომზადება საჭირო არ არის.

    პაციენტმა უნდა მიუთითოს ბოლო მენსტრუაციის თარიღი ან ულტრაბგერით განსაზღვრული გესტაციური ასაკი.

    შედეგების შესაძლო ინტერპრეტაცია:

    β-HCG -ის დონის მომატება შესაძლოა მიუთითებდეს:

    1. ორსულობა;
    2. ბუშტნამქერი, ბუშტნამქერის რეციდივი;ქორიონული კარცინომა, ქორიონკარცინომის რეციდივი;სემინომა;სათესლის ტერატომა;ნეოპლაზიები: კუჭ-ნაწლავის ტრაქტი (კოლორექტალური კიბოს ჩათვლით), ფილტვები, თირკმელები, საშვილოსნო;კვლევა ჩატარდა აბორტის დასრულებიდან 4-5 დღის განმავლობაში;hCG შემცველი პრეპარატები;პერიმენოპაუზის და მენოპაუზის ასაკი (ზომიერი).

      β-HCG -ის დონის შემცირება შესაძლოა მიუთითებდეს: აბორტის საშიშროება, ექტოპიური ორსულობა, ორსულობის შეწყვეტა.

      0/5 (0 Reviews)
English EN Georgian KA Russian RU
Scroll Up