ტესტოსტერონი | ლაბორატორიული კვლევა

შედეგების შესაძლო ინტერპრეტაცია

მამაკაცებში ტესტოსტერონის დაბალი დონე ჰიპოგონადიზმის ნიშანია. ეს თავის მხრივ შეიძლება იყოს პირველადი, მეორეული ან მესამეული.

პირველადი ჰიპოგონადიზმის დროს აღინიშნება ტესტოსტერონის დაბალი დონე, მაგრამ მაღალია ჰიპოფიზის ჰორმონები – FSH და LH.

მეორეული და მესამეული ჰიპოგონადიზმის დროს, რომელთაც ასევე უწოდებენ ჰიპოგონადოტროპულ ჰიპოგონადიზმს, აღინიშნება დაბალი ან არაპროპორციულად ნორმალური LH / FSH დონე.

დონის მომატება დაკავშირებულია:

• იცენკო-კუშინგის დაავადება და სინდრომი;
• ადრენოგენიტალური სინდრომი (ქალები);
• ტესტოსტერონის მაპროდუცირებელი სიმსივნეები (მამაკაცები);
• XYY ქრომოსომის კომპლექტი (მამაკაცი);
• ვირილიზაციით მიმდინარე საკვერცხის სიმსივნე (ქალები);
• სასქესო ჰორმონის შემბოჭველი გლობულინის დაქვეითება (SHBG).