მეტაბოლური ბარიატრიული პროფილი ლაბორატორიული ტესტების ნაკრებია, რომლებიც რეკომენდებულია  ბარიატრიული (წონის შემცირების) ოპერაციამდელ  და ოპერაციის შემდგომ პერიოდში, ძირითადი სასიცოცხლო პარამეტრების შესაფასებლად.

პროფილი აფასებს მეტაბოლურ სტატუსს, კონკრეტული სუბსტანციების დეფიციტს და აკონტროლებს ორგანოთა ფუნქციებს, რაც მნიშვნელოვანია ორგანიზმის შინაგანი წონასწორობის შენარჩუნებისთვის.

ანალიზისთვის სისხლის აღება აუცილებელია უზმოდ (საკვების ბოლო მიღებიდან გასული უნდა იყოს არანაკლებ 12 საათისა).

ზოგიერთმა მედიკამენტმა შეიძლება გავლენა იქონიოს ტესტის პარამეტრების შედეგებზე, ამიტომ ანალიზისთვის მოსამზადებლად აუცილებელია ექიმთან კონსულტაცია და მისგან დეტალური მითითებების მიღება.

თუ ტესტმა გამოავლინა დარღვევები, შესაძლოა საჭირო გახდეს დიაგნოსტიკის დამატებითი, სხვა მეთოდების გამოყენება. ამისთვის აუცილებლად უნდა მიმართოთ ექიმ-სპეციალისტს, რომელიც სიმპტომების გათვალისწინებით სწორად შეარჩევს შესაბამის გამოკვლევებს დიაგნოზის ზუსტად დასასმელად.