“პოსტკორონა” (გაფართოებული პანელი)

ზოგადი ინფორმაცია

“პოსტკორონა”-ს გაფართოებული პანელის მეშვეობით შეგიძლიათ შეამოწმოთ თქვენი ჯანმრთელობის მდგომარეობა და ნახოთ, თუ რა გავლენა იქონია „COVID-19“ ვირუსულმა ინფექციამ მასზე.

„COVID-19“ არის ინფექციური დაავადება, რომელიც გამოწვეულია SARS-CoV-2 რნმ ვირუსით (ე.წ „კორონა“ ვირუსით) და იგი სხვადასხვა ინდივიდში განსხვავებულად მიმდინარეობს, დაწყებული ასიმპტომურიდან დამთავრებული მწვავე მიმდინარეობებით. ეს სიმპტომები, სავარაუდოდ, ასოცირდება ორგანიზმში ინფექციის შედეგად გამოწვეულ ცვლილებებთან, რომელთა დადგენაც (ცვლილებების მონიტორინგი) შესაძლებელია სისხლის სპეციფიური კომპონენტების ე.წ. მარკერების ცვლილებებზე დაკვირვებით.

გამოკვლევებმა აჩვენა, რომ პაციენტთა 10%-ს ახასიათებს გახანგრძლივებული სიმპტომები ინფიცირებიდან ერთი თვის განმავლობაში, ხოლო პაციენტების 1,5-2%-ში ამ სიმპტომების ხანგრძლივობა გრძელდება სამ თვემდე. აღწერილია სხვადასხვა სახის გახანგრძლივებული სიმპტომები, როგორიცაა დაღლილობა, ქოშინი, გულმკერდის ტკივილი, მუცლის ტკივილი, სახსრების ტკივილი და შეშუპება, ზოგიერთ შემთხვევაში ცხელება, ხველა და/ან ყელის ტკივილი. ეს სიმპტომები შეიძლება უკავშირდებოდეს მეორად ინფექციას, ანთებას, „COVID-19“ ინფექციური დაავადებით გამოწვეულ დაზიანებებს ან მანამდე უკვე არსებულ ჯანმრთელობასთან დაკავშირებულ მდგომარეობას.

„პოსტკორონა“ გაფართოებული პანელის პროფილში შედის კვლევები, რომლებიც დაგეხმარებათ გახანგრძლივებული სიმპტომების გამომწვევი მიზეზების დადგენაში. გარდა ამისა, „პოსტკორონა“ გაფართოებული პანელის გამოყენება შეუძლია ყველას, ვისაც გადატანილი აქვს ინფექცია და სურს შეამოწმოს სისხლის მნიშვნელოვანი მარკერები, რათა დარწმუნდეს, რომ ისინი ნორმის ფარგლებშია. პანელში შედის ბიომარკერები ისეთი მდგომარეობებისთვის, როგორიცაა გულის, თირკმლების, ღვიძლის, ფილტვების, ფარისებრი ჯირკვლის დაზიანება, აგრეთვე ანთება, ინფექცია და დიაბეტი.

„პოსტკორონა“ გაფართოებული პანელის პარამეტრებია:

• ანტისხეულები კორონავირუსის SARS–Cov -2 (ას IgG; IgM;IgA  საერთო მაჩვენებელი) 
• სისხლის საერთო ანალიზი + ედსი (ერითროციტების დალექვის სიჩქარე)
• D დიმერი
• C რეაქტიული ცილა (CRP)
• ტროპონინი T
• ალანინამინოტრანსფერაზა (ALT)
• ასპარტატამინოტრანსფერაზა (AST)
• კრეატინინი
• გლიკოზირებული ჰემოგლობინი
• ფერიტინი
• ალბუმინი
• ლაქტატდეჰიდროგენაზა (LDH)
• თირეოტროპული ჰორმონი (TSH)

პროფილში მოცემული პარამეტრების დახმარებით შესაძლებელია ზოგიერთი შესაძლო გართულების გამოვლენა, რაც საშუალებას მოგცემთ შეირჩეს მკურნალობის სწორი სტრატეგია.

აქციის ფარგლებში „პოსტკორონა“ გაფართოებული პანელის ფასია 205 ლარი, ნაცვლად 411 ლარისა.

როდის ჩავიტაროთ ტესტი?

• თუ კვლავ გაწუხებთ ისეთი სიმპტომები, როგორიცაა ხველა, დაღლილობა, ძილიანობა, თავის ან მუცლის ტკივილი და გსურთ გაიგოთ, გაქვთ თუ არა რაიმე გართულება.
• თუ გაქვთ გრიპის მსგავსი სიმპტომები და გსურთ გაიგოთ, არის თუ არა ეს დაკავშირებული მიმდინარე ანთებასთან. ანთებითი კომპონენტების ნორმიდან გადახდრილი დონე შეიძლება იყოს „პოსტკოვიდური სინდრომის“ სიმპტომების ძირითადი მიზეზი.
• აღგენიშნებათ ისეთი თანმხლები მდგომარეობა, როგორიცაა ფილტვების, ღვიძლის, თირკმელების ან გულის დაავადებები და ამის გამო მიეკუთვნებით მაღალი რისკის ჯგუფს, და გსურთ სისხლის მარკერების საშუალებით განსაზღვროთ ხომ არ გაუარესდა ზემოთ აღნიშნული რომელიმე მდგომარეობა. ადრეული დიაგნოსტირება დაგეხმარებათ დაავადების სწორად მართვაში და სწორი მკურნალობის მეთოდის შერჩევაში.
• გაქვთ „COVID-19“ ინფექციური დაავადება და ჯანმრთელობის მდგომარეობის დადებითი დინამიკის შენარჩუნების მიზნით გსურთ აკონტროლოთ სისხლის კომპონენტების დონეები. სისხლის მარკერების დახმარებით შესაძლებელია არსებულ დარღვევებზე ინფორმაციის მიღება.

„სინევო“ შეგახსენებთ, რომ თვითმკურნალობა და თვითდიაგნოზი სახიფათოა ჯანმრთელობისთვის!

როგორ მოვემზადოთ ტესტისთვის?

ტესტის ასაღებად საჭიროა ვენური სისხლი.

ზოგიერთმა მედიკამენტმა შეიძლება გავლენა იქონიოს ტესტის პარამეტრების შედეგებზე, ამიტომ ანალიზისთვის მოსამზადებლად აუცილებელია ექიმთან კონსულტაცია და მისგან დეტალური მითითებების მიღება.

შედეგების შესაძლო ინტერპრეტაცია

თუ ტესტის პარამეტრებმა გამოავლინა დარღვევები, შესაძლოა საჭირო გახდეს დიაგნოსტიკის და მკურნალობის დამატებითი მეთოდების გამოყენება. ამისათვის აუცილებლად უნდა მიმართოთ ექიმ-სპეციალისტს.

ანტისხეულებზე ჩატარებული ტესტის პასუხი შეიძლება იყოს პოზიტიური ან ნეგატიური:

• <0.8U/mL – ნეგატიური (უარყოფითი).
• ≥ 0.80 U/mL – პოზიტიური (დადებითი).
• დადებითი შედეგი მიუთითებს ახლად ან ადრე გადატანილ SARS-CoV-2 ინფექციაზე და/ან ვაქცინაციის შემდგომ განვითარებულ იმუნურ პასუხზე.
•  უარყოფითი შედეგი მიუთითებს SARS-CoV-2 ვირუსთან კონტაქტის არარსებობაზე. ასევე, უარყოფითი შედეგი არ გამორიცხავს SARS-CoV-2 ინფექციის არ არსებობას, თუ ტესტის ჩატარება მოხდა ანტისხეულების გამომუშავებამდე ან ვაქცინაციისთანავე, აგრეთვე დასუსტებული იმუნიტეტის მქონე პაციენტებში.