Bartonella henselae-ის დნმ-ის განსაზღვრა (პჯრ)

ზოგადი ინფორმაცია

Bartonella henselae მცირე ზომის, მოძრავი, გრამ-უარყოფითი ბაქტერიაა, რომელიც ადამიანს გადაეცემა კატის მიერ დაკბენის ან დაკაწვრის გზით. დაავადებას ბართონელოზი ანუ კატის ნაკაწრის დაავადებაც ქვია.

დაავადება ხასიათდება პირველადი დაზიანების კერაში (ნაკაწრი, ნაკბენი) ანთების ნიშნების განვითარებით, მიმდებარე ლიმფური კვანძების გადიდებით, ცხელებით.

ინკუბაციური პერიოდი – 3-10 დღის შემდეგ კანის დაზიანების უბანში ვითარდება ქავანა მაკულო-პაპულური (ლაქოვან-კვანძოვანი) წარმონაქმნი, რომელიც მოგვიანებით ვეზიკულად (ბუშტუკად) გარდაიქმნება. ბუშტუკი ჩირქდება და იფარება ფუფხით რამდენიმე დღეში.  კანზე განვითარებული დაზიანებიდან 1-3 კვირაში აღინიშნება რეგიონული ლიმფადენოპათია, რომელიც როგორც წესი ერთი ან მეტი ლიმფური კვანძის გადიდებას მოიცავს. ყველაზე ხშირად იღლიის და კისრის ლიმფური კვანძები დიდდება, თუმცა შესაძლოა სხვა რეგიონის ლიმფადენიტიც, როგორიცაა: ყბისქვეშა, ლავიწზედა, ყურისწინა და სხვა.  იმუნოკომპეტენტურ პირებში აღინიშნება თვითგანკურნება 2-4 თვეში, მაშინ როცა იმუნიტეტის დეფიციტის პირობებში შესაძლებელია ინფექციური პროცესი 2 წლამდეც კი გახანგრძლივდეს.

ლოკალურ დაზიანებას ხშირად ზოგადი გამოვლინებებიც ახლავს: შემცივნება, ცხელება, თავის, კუნთების, სახსრების ტკივილი, ზოგადი ინტოქსიკაციის ნიშნები.

იშვიათ შემთხვევებში კატის ნაკაწრის დაავადება ატიპური გამოვლინებებით ვიტარდება:

• გრანულომატოზური კონიუნქტივიტი, ყურისწინა ლიმფადენიტი
• ნეირორეტინიტი – ბადურაზე ანტებითი პროცესის განვიტარების გამო ცალ თვალში მხედველობის მოულოდნელი დაკარგვა, ტკივილის გარეშე. მხედველობა როგორც წესი 103 თვეში აღდგება.
• მწვავე ენცეფალოპათია – თავის ტკივილი, პროგრესირებადი ძილიანობით და ცნობიერების დათრგუნვით – კომამდეც კი. პროცესი თვითაღდგენადია, ნევროლოგიური ნარჩენი მოვლენების გარეშე.
• ენდოკარდიტი
• გრანულომატოზური ჰეპატიტი
• ელენთის გრანულომების განვითარება
• ძვლების დაზიანება
• ვასკულიტი და კანის კვანძოვანი დაზიანება

დიაგნოსტიკა

დაავადების დიაგნოსტიკა ეფუძნება კლინიკურ-ეპიდემიოლოგიურ და სეროლოგიურ მონაცემებს. დაავადების გადატანის შემდეგ რჩება მყარი იმუნიტეტი.

გარდა სეროლოგიისა, გამოიყენება აასევე პჯრ მეთოდი ლიმფური კვანძებიდან მირებულ ან სხვა ამსალაში ბართონელას დნმ-ის აღმოსაჩენად. კვლევას ახასიატებს მარალი სპეციფიურობა, და ინფექციის სწრაფი იდენტიფიკაცია. სენსიტიურობის დიაპაზონი 43-76%-ია.

საკვლევი მასალა: ლინფური კვანძის ბიოფსიური მასალა ან სისხლის შრატი

წინასწარ მომზადებას არ საჭიროებს.

ბართონელას სხვა სახეობების დიფერენცირებისთვის ზოგჯერ საჭიროა პჯრ და სეროლოგიური კვლევების კომბინირება.