ინსულინის აუტოანტისხეულები

ინსულინდამოკიდებული შაქრიანი დიაბეტის განვითარებას წინ უძღვის აუტოანტისხეულების გამოჩენა პანკრეასის კუნძულოვანი უჯრედების სხვადასხვა ანტიგენის, მათ შორის ინსულინის მიმართ. გენეტიკური მიდრეკილების მქონე პირებში (ტიპი 1 დიაბეტის ოჯახური ანამნეზი), რამდენიმე ტიპის ანტისხეულის არსებობა წარმოადგენს ტიპი 1 დიაბეტის განვითარების პროგნოზულ მარკერს.

დიაბეტის განვითარების ისტორიაში ბეტა უჯრედების დესტრუქციის პროცესი მოიცავს 5 ფაზას:

1. გენეტიკური მიდრეკილება;

2. პოზიტიური აუტოანტისხეულები;

3. ინსულინის არანორმალური პასუხი გლუკოზის ტოლერანტობის ტესტზე;

4. ორალური გლუკოზის ტოლერანტობის პათოლოგიური ტესტი;

5. კლინიკური დიაბეტის მანიფესტირება.

ტიპი 1 დიაბეტის გამოვლინების შემდეგ ინსულინის ანტისხეულების დონე მცირდება ან პრაქტიკულად არ არის გამოვლენილი. თუმცა, ინსულინოთერაპიის დაწყების შემდეგ, ანტისხეულების დონე შეიძლება გაიზარდოს (განსაკუთრებით ცხოველური წარმოშობის ინსულინის გამოყენებისას). ამიტომ, მკურნალობისთვის შეიძლება საჭირო გახდეს ინსულინის უფრო მაღალი დოზები, ანტისხეულებით გამოწვეული ინსულინური რეზისტენტობის გამო.

ტიპი 1 დიაბეტის შემთხვევების უმეტესობა ვითარდება სპორადულად, დიაბეტის ოჯახური ანამნეზის არარსებობის შემთხვევაში. მიჩნეულია, რომ გარემო ფაქტორები მნიშვნელოვან როლს თამაშობენ დიაბეტის განვითარებაში, რადგან მოქმედებენ, როგორც აუტოიმუნური პროცესის ტრიგერები.

როდის ჩავიტაროთ ტესტი ინსულინის საწინააღმდეგო ანტისხეულებზე?

• ტიპი 1 დიაბეტის განვითარების რისკის შეფასება გენეტიკურად მიდრეკილ პაციენტებში;
• დიფერენციალური დიაგნოსტიკა ტიპი 1 და 2 დიაბეტს შორის;
• ინსულინრეზისტენტული დიაბეტით დაავადებულთა შეფასება.

როგორ მოვემზადოთ ტესტისთვის?

ტესტის ჩატარება სასურველია უზოდ (მინიმუმ 7 საათის განმავლობაში არ უნდა მიიღოთ საკვები).

საკვლევი მასალა

ვენური სისხლი

შედეგების შესაძლო ინტერპრეტაცია

ანტისხეულების დონე იზრდება:

• ტიპი 1 დიაბეტი;
• ტიპი 1 დიაბეტის განვითარებისადმი მიდრეკილების მქონე პირები;
• ინსულინოთერაპიის დროს ანტი-ინსულინური ანტისხეულების გაჩენა (ხშირად ცხოველური წარმოშობის);
• ალერგიული რეაქციები ეგზოგენურ ინსულინზე;
• ნორმა (ჯანმრთელი ადამიანების დაახლოებით 1%).

რესურსები

https://spravochnik.synevo.ua/ru/uglevodniy-obmen/insulin-antitela.html
https://www.synevo.ro/shop/anticorpi-anti-insulina/