ნაღვლის მჟავები | ლაბორატორიული კვლევა

ნაღვლის მჟავები წარმოიქმნება ღვიძლში, ქოლესტერინის კონიუგირებით (დაკავშირებით) გლიცინთან და ტაურინთან. ის კონცენტრირდება ნაღვლის ბუშტში და გამოიყოფა ნაწლავში საკვების მიღების შემდეგ. ნაწლავის სანათურში ნაღვლის მჟავები უზრუნველყოფს ცხიმების ემულგირებას (მსხვილი მოლეკულების უფრო მცირე ცხიმოვან მოლეკულებად დაშლას) და მონელების პროცესს. ნაწლავის სანათურში გამოყოფილი ნაღვლის მჟავების 90% ისევ უკუშეიწოვება.
ნაღვლის მჟავების კონცენტრაციის მომატება ღვიძლის დაავადებების მაღალმგრძნობიარე ინდიკატორია, როგორიცაა: ღვიძლის ციროზი, ჰეპატიტები, ქოლესტაზი, კარის ვენის თრომბოზი, ბად-კიარის სინდრომი, ქოლანგიტი, ვილსონის დაავადება, ჰემოქრომატოზები და სხვა. ნაწლავის მალაბსორბციის სინდრომის დროს ნაღვლის მჟავების მომატება სისხლში არ აღინიშნება. ღვიძლის მეტაბოლური დარღვევები, როგორებიცაა – ჟილბერტის სინდრომი, კრიგლერ-ნაჯარის მემკვიდრული სიყვითლე, დაბინ-ჯონსის სინდრომი და სხვა – არ იწვევს სისხლში ნაღვლის მჟავების კონცენტრაციის დარღვევებს.

საკვლევი მასალა: 

ვენური სისხლი

რეფერალური ნორმები

< ან =10 მკმოლ/ლ