ტუტე ფოსფატაზა

შედეგების შესაძლო ინტერპრეტაცია

ტუტე ფოსფატაზას კონცენტრაცია იზრდება:

• ძვლოვანი ქსოვილის პათოლოგია (დეფორმირებული ოსტეიტი, ოსტეომალაცეა, გოშეს დაავადება ძვლის რეზორბციით, ოსტეოსარკომა, სიმსივნის მეტასტაზები ძვალში, მოტეხილობების შეხორცების პერიოდი);
• რაქიტი;
• პირველადი ან მეორადი ჰიპერპარათირეოიდიზმი;
• ღვიძლის დაავადებები (ციროზი, ღვიძლის ქსოვილის ნეკროზი, პირველადი ჰეპატოკარცინომა, ღვიძლის მეტასტაზური კიბო, ინფექციური, ტოქსიკური, წამლისმიერი ჰეპატიტი, სარკოიდოზი, ტუბერკულოზი, პარაზიტული დაზიანებები);
• ინტრა- და ექსტრაჰეპატური ქოლესტაზი (ქოლანგიტი, სანაღვლე გზებისა და ნაღვლის ბუშტის კენჭები, სანაღვლე გზების სიმსივნეები);
• კვების დარღვევები (კალციუმის და ფოსფატების ნაკლებობა საკვებში);
• ციტომეგალია ბავშვებში;
• ინფექციური მონონუკლეოზი;
• ფილტვის, თირკმლის ინფარქტი;
• ფიზიოლოგიური (ჩვილებში, ბავშვებში სწრაფი ზრდის პერიოდში, ქალებში ორსულობის ბოლო ტრიმესტრში და მენოპაუზის შემდეგ).

ტუტე ფოსფატაზას კონცენტრაცია მცირდება:

• მემკვიდრეობითი ჰიპოფოსფატაზემია;
• ძვლის ზრდის დარღვევები (აქონდროპლაზია, კრეტინიზმი, ასკორბინის მჟავას დეფიციტი);
• ჰიპოთირეოზი;
• ცილის დეფიციტი (კვაშიორკორი);
• თუთიის და მაგნიუმის ნაკლებობა საკვებში.