ოსტეოკალცინი | ლაბორატორიული კვლევა

ოსტეოკალცინი არაკოლაგენური, 49 ამინომჟავისგან შედგენილი პოლიპეპტიდური ძვლოვანი ცილაა,  5800 კილოდალტონი მოლეკულური მასით. ოსტეობლასტები წარმოქმნის ოსტეოკალცინს და რთავს ძვლის მატრიქსში.

ოსტეოკალცინი შრატში გამოიყოფა ძვლის რეზორბციის  დროს და ამგვარად გამოიყენება ძვლოვანი ცვლის  შესაფასებლად ანტირეზორბციული მკურნალობისას (ბისფოსფონატებით და ჩანაცვლებითი ჰორმონოთერაპისას) პაციენტებში, რომლებსაც აქვთ ოსტეოპენია, ოსტეოპოროზი, სიმსივნეების ძვლოვანი მეტასტაზები, პეჯეტის დაავადება და აღენიშნებათ შრატის ოსტეოკალცინის დონის მატება და ჰიპერკალცემია. შრატის ოსტეოკალცინის  დონე ასევე იმატებს ჰიპერპარათირეოზის, თირეოტოქსიკოზის, თირკმლისმიერი ოსტეოდისტროფიის, მოტეხილობების, აკრომეგალიის დროს.

ოსტეოკალცინის განსაზღვრა არაეფექტურია ოსტეოპოროზის დიაგნოსტირებისას.

ოსტეოკალცინი ადამიანის ძვლოვანი  ცილების დაახლოებით 1%-ს  შეადგენს. მისი პროდუქცია დამოკიდებულია ვიტამინ K-ზე და სტიმულირდება 1,25 დიჰიდროქსი ვიტამინ D-ს ზემოქმედებით.

ოსტეოკალცინი ოსტეობლასტების (ძვლოვანი უჯრედების) მიერ სინთეზდება და ოსტეობლასტური აქტივობის  მარკერს წარმოადგენს.

შრატში ოსტეოკალცინის აქტივობის დაქვეითება აღინიშნება ჰიპოპარათირეოიდიზმის, ჰიპოთირეოზის, ზრდის ჰორმონის დეფიციტის და სხვა პათოლოგიების  დროს.

იმუნოქიმიური და ქრომატოგრაფიული კვლევებით გამოვლინდა ოსტეოკალცინის მაჩვენებლების არაერტგვაროვნება, როგორც ჯანმრთელ ადამიანებში, ისე პაციენტებში ოსტეოპოროზით, თირკმლის უკმარისობით და პეჯეტის დაავადებით.

ინტერპრეტაცია

შრატში ოსტეოკალცინის დონის მატება ძვლის გაძლიერებულ ცვლაზე მიუთიტებს.

პაციენტებში, რომლებიც იმყოფებიან რეზორბციულ თერაპიაზე (ბისფოსფონატებით ან ჩანაცვლებითი ჰორომონოთერაპიით), მკურნალობის დაწყებიდან 3-6 თვეში შრატის ოსტეოკალცინის დონის 20%-ით შემცირება, მკურნალობის დადებით დინამიკაზე მიუთითებს.

კვლევის მეთოდი: ელექტროქემილუმინესცენტური იმუნოანალიზი

საკვლევი მასალა: შრატი

წინასწარი მომზადება: კვლევა ტარდება უზმოდ. კვლევის ჩატარებამდე 12 საათის განმავლობაში უნდა შეწყდეს მინერალების, ვიტამინებისა და კვებითი დანამატების მიღება.

ნორმის მაჩვენებლები

<18 წლამდე: კვლევა არ ტარდება

>18 წლის შემდეგ:  10,4 – 45,6