მაღალი სიმკვრივის ლიპოპროტეინები (HDL) | ლაბორატორიული კვლევა

ზოგადი ინფორმაცია

HDL – მაღალი სიმკვრივის ლიპოპროტეინი (ე.წ. „კარგი ქოლესტეროლი“), სინთეზირდება ღვიძლში და სისხლში მოხვედრისას ძირითადად შედგება აპოპროტეინისგან (ლიპოპროტეინის ზედაპირზე არსებული ცილა, რომელიც არეგულირებს ლიპოპროტეინების მეტაბოლიზმს). HDL-ის მთავარი ფუნქციაა ჭარბი ქოლესტერინის შებოჭვა და ტრანსპორტირება ექსტრაჰეპატური (ღვიძლის გარეთა) ქსოვილებიდან ღვიძლში, შემდგომი ექსკრეციისთვის ნაღველში. LDL-თან ერთად HDL მონაწილეობს უჯრედული ქოლესტერინის დონის შენარჩუნებაში. ქოლესტერინის შებოჭვისა და მოცილების უნარის გამო, HDL-ს ანტიათეროგენული ფაქტორი ეწოდება, რადგან ის ხელს უშლის ათეროსკლეროზის განვითარებას, შესაბამისად HDL-ის მაღალი დონის მქონე პაციენტებს ათეროსკლეროზის განვითარების დაბალი რისკი აქვთ.