კალიუმი | K (24 საათიანი შარდი)

დამატებითი ინფორმაცია

პასუხის დრო (სამუშაო დღე) | Time to results

1

ანალიზის შესრულების ლოკაცია | Where is performed

Georgia

13.50

კალიუმის ყველაზე დიდი რაოდენობა გამოიყოფა თირკმლებით; K+-ის ექსკრეცია დამოკიდებულია მიღებული კალიუმის რაოდენობაზე. ნეფრონის დონეზე კალიუმი ექვემდებარება სამ ძირითად მექანიზმს: გლომერულური ფილტრაცია, სრული რეაბსორბცია პროქსიმალურ მილაკებში და სეკრეცია დისტალურ მილაკებში. კალიუმის ექსკრეცია დამოკიდებულია ექსკლუზიურად ფილტრაციის და სეკრეციის პროცესებზე.

მეტაბოლური ალკალოზი კალიუმის დაკარგვის ყველაზე გავრცელებული გამოვლინებაა. თირკმლებით კალიუმის დაკარგვა ხდება რამდენიმე შემთხვევაში:

  • მინერალოკორტიკოიდული ჰორმონების ჭარბი რაოდენობა;
  • თირკმლის მილაკოვანი დაზიანებები;
  • მილაკოვანი სითხის Na+-ით გადატვირთვა;
  • ალკალოზი.

თირკმლის მწვავე უკმარისობის დროს კალიუმი არ იფილტრება გლომერულურად და არ გამოიყოფა მილაკებით საკმარისი რაოდენობით. ექსტრარენალური დიალიზი არის ყველაზე უსაფრთხო გზა კალიუმის დონის გამოსასწორებლად ყველა პაციენტში მძიმე ჰიპერკალიემიით.

როდის ჩავიტაროთ ტესტი კალიუმზე?

  • თირკმლის და თირკმელზედა ჯირკვლის დარღვევების დროს წყალ-მარილოვანი და მჟავა-ტუტოვანი ბალანსის გამოკვლევა;
  • ჰიპო- და ჰიპერკალიემიის დიფერენციალური დიაგნოზი.

როგორ მოვემზადოთ ტესტის გასაკეთებლად?

პაციენტის მომზადება საჭირო არ არის.

საკვლევი მასალა/შარდის შეგროვების წესი

24-საათიანი შარდი. დილის 7 საათზე პაციენტი შარდავს და არ ინახავს ამ შარდს, შემდეგი მოშარდვის დროს კი პლასტმასის ჭურჭელში (2-3 ლიტრიანი შარდის კონტეინერი) აგროვებს შარდის მთელ მოცულობას მეორე დღის დილის 7 საათამდე (24 საათის განმავლობაში); პაციენტმა ამ კონტეინერიდან 100 მლ შარდი უნდა გადაიტანოს (მაგ. შპრიცით) შარდისთვის განკუთვნილ ერთჯერად პლასტმასის ჭიქაში და უნდა შეინახოს 2-8 ° C ტემპერატურაზე ტესტის დაწყებამდე (1-1,5სთ-ის განმავლობაში).

შედეგების შესაძლო ინტერპრეტაცია

შარდში კალიუმის კონცენტრაცია იზრდება:

K+-ის გაძლიერებული ექსკრეცია ასოცირებული ჰიპოკალიემიასთან (K + შარდში > 20 მმოლ/ლ)

  • თირკმლის მიერ K+ კარგვა თირკმლების დაავადების დროს.
  • შარდმდენები.
  • თირკმლის ტუბულარული აციდოზი I და II ტიპის;
  • დიაბეტური ან ალკოჰოლური კეტოაციდოზი;
  • პირველადი და მეორეული ჰიპერალდოსტერონიზმი;
  • კუშინგის სინდრომი;
  • ბარტერის სინდრომი;
  • მეტაბოლური ალკალოზი, HCl-ის ნაწლავური კარგვით განპირობებული (ღებინება, კუჭის დრენაჟი).

K+-ის გაძლიერებული ექსკრეცია ასოცირებული ჰიპერკალიემიასთან (K + შარდში > 40 მმოლ/ლ)

  • კალიუმის დიდი რაოდენობით მიღება (საკვებით ან თერაპიული გზით);
  • უჯრედებში K+-ის შეღწევის შემცირება: ინსულინის დეფიციტი, β-ბლოკატორების შეყვანა, დიგიტალისი.
  • ქსოვილის დესტრუქცია, ჰემოლიზი;
  • მეტაბოლური აციდოზი;
  • ჰიპერტონული ხსნარების ინფუზია.

შარდში კალიუმის კონცენტრაცია მცირდება:

K+-ის შემცირებული ექსკრეცია ასოცირებული ჰიპოკალიემიასთან (K + შარდში < 20 მმოლ/ლ)

  • K+-ის მიღების შემცირება;
  • კალიუმის ექსტრარენალური კარგვა (კანი, ფისტულები, საფაღარათო საშუალებები, დიარეა).

K+-ის შემცირებული ექსკრეცია ასოცირებული ჰიპერკალიემიასთან (K + შარდში < 40 მმოლ/ლ)

  • ჰიპოალდოსტერონიზმი და ფსევდოჰიპოალდოსტერონიზმი;
  • თირკმლის დაავადება შარდის დაბალი ნაკადით (ნეფროსკლეროზი, პიელონეფრიტი, გლომერულონეფრიტი).

რესურსები

https://www.synevo.ro/shop/potasiu-urinar/

0/5 (0 Reviews)
English EN Georgian KA Russian RU
Call Now Button